Mat á skólastarfi
Skólinn sinnir bæði innra mati og ytra mati. Innra mat fer fram innan skólans þar sem rýnt er í matstæki
skólans. Akureyrarbær sinnir ytra mati með reglulegum foreldrakönnunum og skólinn
hefur farið í gegnum úttekt Mennta- og menningarmálaráðuneytis, sjá skýrslu hér !
Innra mat skólans er unnið eftir 4 ára áætlun og er áætlun hvers árs sett upp sérstaklega sem má finna hér.
Starfsáætlun gæðaráðs má finna hér.
Skólinn fylgir menntastefnu Akureyrarbæjar og lesa má skýrslur innra matsteymis hér að neðan:
Matstæki:
Í Tröllaborgum er notast við TRAS, HLJÓM-2 og MÍÓ sem skimunarverkfæri fyrir öll börn í leikskólanum.
Ýmis matstæki eru notuð í leikskólanum í tengslum við sérkennslu,
TRAS er skráning á málþroska og félagsþroska ungra barna. TRAS-skráningartækið hjálpar leikskólakennurum að finna þau börn sem hafa frávik í málþroska og grípa inn í með markvissum aðgerðum ef um frávik er að ræða með snemmtækri íhlutun.
HLJÓM-2 er greiningartæki sem er lagt fyrir að hausti til að meta hljóðkerfisvitund barna í elsta árgangi leikskólans í því skyni að greina þau börn sem eru í áhættu fyrir síðari lestrarerfiðleika. Þar er verið að kanna þættina rím, samstöfur, samsett orð, hljóðgreiningu, margræð orð, orðhlutaeyðingu og hljóðtengingu. Í framhaldinu er unnið áfram með þá þætti sem hafa komið slakir út hjá einstaka börnum og foreldrar allra barna fá leiðbeiningarblað um hvernig megi vinna heima. Á vorin er HLJÓM-2 lagt aftur fyrir öll börn og þær niðurstöður fylgja börnunum í grunnskólann.
MÍÓ: Skimunartækið MÍÓ er ætlað fyrir leikskóla til að greina styrkleika og veikleika barna á sviði stærðfræðinnar, mæta þeim þar sem þau standa og finna þau börn sem þurfa frekari athygli og tækifæri til
að vinna með þá þætti sem tengjast stærðfræðinámi þeirra.
